Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

АГЛЯД ЗАМЕЖНАГА ДРУКУ (8.I.2011)

Славацкая газэта “Pravda”
10 студзеня 2011 г. Славацкая газэта “Pravda” напісала пра выступ генсека ААН Пан Гі Муна, які выказаў занепакоенасьць непразрыстымі выбарамі ў Беларусі, разгонам мірных дэманстрацый і арыштамі апазыцыянэраў.
Наш камэнтар: Вельмі ж “сваечасовая” заява ад ААН — ажно праз тры тыдні пасьля асноўных падзеяў. Гэта ёсьць яшчэ адным доказам таго, што міжнародныя і дзяржаўныя структуры на Захадзе зьбіраліся ўпэўнена прызнаваць фальшывыя “выбары” антыбеларускага рэжыму і легалізаваць на міжнароднай арэне сам рэжым. Яны цяпер доўга чухаюцца, выходзячы з шоку. А іх папярэджвалі цьвярозыя людзі, каб не гуляліся пад дудку Масквы з крывавым лукашызмам. Ды яны слухаць не хацелі.

Юрка Марозаў

***

Чэшская газэта “Mlada Fronta Dnes”
9 студзеня 2011 г. Чэшская газэта “Mlada Fronta Dnes” паведаміла пра пачатак рэфэрэндуму ў паўднёвым Судане. Жыхары рэгіёна (хрысьціянская большасьць і анімісты) энтузіястычна галасуюць за сваю дзяржаўную незалежнасьць ад Судана.
Наш камэнтар: Мільёны людзей цярпліва стаяць пад сахарскім сонцам у бясконцых чэргах, галасуюць за дзяржаўную незалежнасьць ад хартумскага рэжыму. Бальшыня зь іх — непісьменныя сяляне. Але для народу свая незалежная дзяржава ёсьць найвышэйшай каштоўнасьцю.

Алесь Хадасевіч

***

Летувіская газэта “Lietuvos Rytas”
8 студзеня 2011 г. Летувіская газэта “Lietuvos Rytas” напісала пра выпуск эстонскім банкам манэт эўра. На гэтых манэтах ёсьць контурная выява межаў Эстоніі. Расейцы ўбачылі, што ў гэты контур уключаны раёны Пскоўскай вобласьці, якія былі ў Эстоніі пасьля падпісаньня ў 1920 г. Тартускага міру паміж Эстоніяй і савецкай Расеяй. Пратэстныя заявы зрабілі расейскія дыпляматы. Эстонскія прадстаўнікі заявілі, што такога на манэтах няма.
Наш камэнтар: Расея нахапала чужой зямлі, цяпер хвалюецца наконт кожнай мініяцюры, апублікаванай у розных краінах. Злодзей, які скраў, ня сьпіць спакойна.

Юрка Марозаў

***

Польская газэта “Rzeczpospolita”8 студзеня 2011 г. Польская газэта “Rzeczpospolita” напісала: “Украінскія СМІ абураныя, што ў сваіх зычэньнях з нагоды Сьвятаў Божага Нараджэньня прэзыдэнт Віктар Януковіч не выказаў зычэньняў грэка-католікам. Прэзыдэнт прыгадаў толькі праваслаўных. “Прэзыдэнт забыўся выказаць зычэньні пяці мільёнам грэка-католікаў” — напісалі ў суботу ўкраінскія парталы”.
Наш камэнтар: Кліенты Масквы, як вядома, зьяўляюцца адначасова і кліентамі РПЦ.

Алесь Хадасевіч

***

Латвійская газэта “Diena”
8 студзеня 2011 г. Латвійская газэта “Diena” паведаміла, што ў раёне Елгавы ў мясцовым Музэі Калядных баёў адбылася тэатральная рэканструкцыя баявых дзеяньняў, якія адбыліся ў гэтых мясьцінах роўна 94 гады таму (1915 г.) падчас І Сусьветнай вайны. Латышскія стралкі атакавалі тады нямецкія ўмацаваныя пазыцыі. У цяперашняй імітацыі ўдзельнічалі 70 удзельнікаў. За дзеяй назіралі 600 гледачоў, сярод іх міністар абароны Латвіі і высокія камандзёры арміі.
Наш камэнтар: У Латвіі нават у савецкія часы памяталі і захоўвалі сьведчаньні пра змаганьне латышскіх стралкоў (яшчэ не названых “чырвонымі”) падчас І Сусьветнай вайны. У вызваленай Беларусі будзе выпраўленая несправядлівасьць у адносінах да забытых беларускіх ваяроў той Вялікай вайны.

Алесь Хадасевіч

***

Нямецкая газэта “Die Welt”
9 студзеня 2011 г. Нямецкая газэта “Die Welt” напісала пра масавыя пратэстныя выступы моладзі ў сталіцы і іншых гарадах Алжыру. Улады рэзка падвысілі кошты на прадукты харчаваньня (да 30%). Тысячы маладых людзей дэманструюць на вуліцах супраць сацыяльнай несправядлівасьці. Дзесяткі ўзброеных шаблямі юнакоў заатакавалі элітны раён алжырскай сталіцы, грамілі і падпальвалі раскошныя рэстараны і крамы. Паліцыя з цяжкасьцю адбіла гэтыя атакі.
Наш камэнтар: Маладыя ня хочуць больш цярпець зьдзеку над сабой. Яны ненавідзяць рэжым, які пазбаўляе іх нармальнага жыцьця, магчымасьці самарэалізавацца і будучыні. У той самы час эліты грамадзтва жывуць у раскошных кварталах і з кожным годам усё больш узбагачаюцца. Тую ж карціну мы назіраем у Беларусі. Самаўпэўненыя жыхары “барскіх пасёлкаў” у сталіцы і іншых гарадах нашай краіны таксама ўпэўненыя, што вернападданасьць антынароднай дыктатуры ёсьць для іх гарантыяй беспакаранага існаваньня за кошт народа. Яны моцна памыляюцца.

Юрка Марозаў

***

Італьянская газэта “La Stampa”
9 студзеня 2011 г. Італьянская газэта “La Stampa” апублікавала анонс рамана, прысьвечанага барацьбе італьянцаў за ўзьяднаньне краіны пад кіраўніцтвам Гарыбальдзі, і інтэрвію з аўтарам, пісьменьнікам Алесандра Мары. Аўтар падкрэсьліў, што тая эпоха (1850-60-я гады) — “не манумэнтальны мармур”, а вечна жывая і актуальная тэма.
Наш камэнтар: Штогод у цывілізаваных краінах ствараюцца кнігі і іншыя помнікі, прысьвечаныя нацыянальнай гісторыі, нацыянальным героям, нацыянальнай культуры. Гэта ёсьць вечна жывая тэма. Ужо каторы год панаваньня лукашызма на нашай зямлі ў Беларусі ня створана практычна нічога, што сьведчыла б аб разьвіцьці духоўнасьці і культуры. “Сьцягам перамог” для акупантаў ёсьць русіфікатарская папса ў розных галінах творчасьці.

Алесь Хадасевіч

***

Ангельская газэта “The Telegraphe”
9 студзеня 2011 г. Ангельская газэта “The Telegraphe” напісала: “Крэмль “ахоплены страхам”, што працяг судовага рассьледваньня па справе расейскага гандляра зброяй Віктара Бута прадэманструе сувязь паміж ім, высокімі расейскімі чыноўнікамі і сакрэтнымі здзелкамі Масквы з неадназначнымі рэжымамі па ўсім сьвеце, як сьцярджаецца. Міжнародны адвакат Эмстэрдам сказаў: “Ён зьвязаны з расейскай ценевай дзяржавай і з найбольш магутнымі элемэнтамі ўладнай эліты. Ён мае выбуховую інфармацыю аб тым, як працуе гэтая ценевая дзяржава і аб яе трансакцыях з Вэнэсуэлай, Іранам і па ўсёй Азіі”.
Наш камэнтар: Правал маскоўскага шцірліца і ягонай крымінальнай сеткі абяцае чалавецтву шмат праўды пра гэбізм.

Юрка Марозаў

***

Славацкая газэта “SME”9 студзеня 2011 г. Славацкая газэта “SME” напісала пра вялікую дэманстрацыю ў пакістанскім горадзе Карачы. 50 тысячаў дэманстрантаў патрабавалі захаваць пакараньне сьмерці за блюзьнерства над ісламам.
Наш камэнтар: У мусульманскіх краінах вернікі не дазваляюць зьдзеквацца з сваіх сьвятыняў. У заходніх краінах пад сурдзінку “правоў чалавека” ставяцца спэктаклі, дзе зьневажаюць хрысьціянскія сьвятыні і Біблію, гастралююць блюзьнерскія антыхрысьціянскія выставы. Пара самым народам спыніць гэты зьдзек на сваёй зямлі.

Алесь Хадасевіч

12/1/2011 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Студзень 2011
П А С Ч П С Н
« Сьн   Люты »
 12
3456789
10111213141516
17181920212223
24252627282930
31  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024