Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Антыбеларускі рэжым зьдзяйсьняе чарговае чарнобыльскае злачынства. У шэрагу раёнаў Магілеўшчыны і Гомельшчыны ўлады ліквідуюць шлагбаўмы на ўездах у атручаныя радыяцыяй раёны і заяўляюць, што гэтыя тэрыторыі “прыдатныя для вядзеньня сельскагаспадарчых работ”. Цяпер на атручанай зямлі будзе вырошчвацца атрутная прадукцыя для спажываньня насельніцтвам Беларусі. Даўно вядома, што крымінальнік тэрарызіруе грамадзтва роўна столькі часу, колькі грамадзтва церпіць ягоны тэрор і не супраціўляецца. Насельніцтва Магілеўшчыны і Гомельшчыны церпіць і нават не пратэстуе. Людзі кажуць, што ўжо “да ўсяго прызвычаяліся”. Аднак, ня ўсе яны ведаюць, што ў гэтых двух вобласьцях Беларусі ёсьць самая высокая ў Эўропе сьмяротнасьць. Рэжым разбурае агароджы там, дзе яны павінны стаяць і дзе павінны ахоўвацца тэрыторыі, каб не дапусьціць туды людзей, бо гэта небясьпечна для жыцьця і здароўя. Гэтае правіла тычыцца ня толькі экалогіі. Яшчэ ў сярэдзіне 1990-х лукашызм першай стадыі карцінна ліквідаваў у прысутнасьці Лукашэнкі, Чарнамырдзіна і тэлегрупаў дэкаратыўныя шлагбаўмы на беларуска-расейскай мяжы (дзе іх дарэчы ў постсавецкі час ніколі не было). Мяжы з дзікай і п’янай Расеяй у нашай Беларусі няма. Расейскія крымінальнікі і злодзеі свабодна курсіруюць паміж двума дзяржавамі. На межах з цывілізаванымі суседнімі краінамі і ў цэлым з Заходняй Эўропай рэжым (разам з брусэльскай бюракратыяй і Масквой) робіць загароджы ўсё больш шчыльнымі. Беларусы ўжо забыліся, калі яны актыўна езьдзілі ў Польшчу і ратавалі свой сямейны бюжэт дробным і сярэднім бізнэсам. У заходніх кансулятах і амбасадах – чэргі цярплівых людзей, якія назьбіралі кучу даведак пра сябе і зьбіраюцца пераканаць чужую бюракратыю, што іх можна на кароткі час упусьціць на Захад. Многім з гэтых людзей груба адмаўляюць у выдачы візы. У Беларусь не прыязджае практычна ніхто. Найбольш актыўнымі ёсьць дзялкі з Турцыі і арабскіх краін, якія спадзяюцца правярнуць у нас свае праекты, як правіла разбуральныя для беларускай культуры і сацыяльнага парадку. Ізаляцыя ад цывілізаванага сьвету паступова становіцца нечым натуральным і прывычным, як гэта было ў савецкі час. Колькі яшчэ будзе працягвацца гэты маразм? Колькі яшчэ будуць цярпець яго беларусы? Юрка Марозаў 4/8/2010 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
