Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Лёкаі чужой дзяржавы

З замежжа ў СМІ РБ паступілі інфармацыйныя справаздачы пра сьвяткаваньне 9 траўня фэнамэнальнымі структурамі пад назовам “белорусская діпломатія”. Што тычыцца Эўропы, то тут яны сапраўды праявілі актыўнасьць. Месцы правядзеньня мерапрыемстваў падабраныя нібыта пад капірку: “Русскій дом”, “Русскій центр культуры і наукі”, “Русскій культурный центр” і г.д. у розных эўрапейскіх сталіцах. Зразумела, хто там арганізоўваў мерапрыемствы, прысьвечаныя гадавіне перамогі над Нямеччынай, хто там вёў рэй і пра што ён распавядаў – русскіе товарішчі з ФСБ, якія на розныя лады казалі пра “велічіе русского і советского народов”, пра Сталіна і г.д. Выставы і канцэрты праводзіліся таксама імі. Пад рускіх “закасілі” (як кажуць студэнты) і дыпламаты з Беларусі, у некаторых месцах да іх ужо далучыліся афіцыйныя асобы ад януковіцкай дыпламатыі Украіны. Правінцыйныя таварышы пасядзелі ў куточку ў рускіх цэнтрах, паслухалі “вставай страна огромная…”, патусаваліся і “с чувством выполненного долга” пайшлі ў кантору рабіць справаздачу ў Менск. У некаторых месцах Эўропы яны хадзілі (зразумела, таксама з расейцамі) ускладаць кветкі да розных помнікаў.

Што павінна была б рабіць у гэты дзень сапраўдная беларуская дыпламатыя? Рабіць тое, што рабілі ўсе замежныя прадстаўнікі цывілізаваных дзяржаваў. Ісьці перш за ўсё да помнікаў сваім нацыянальным героям і ахвярам вайны свайго народу. Беларускія гісторыкі і актывісты Народнага Фронту даўно ўжо высьветлілі і паведамілі нашаму грамадзтву, дзе знаходзяцца такія помнікі і магілы беларусаў. У Італіі гэта Монтэ-Касіна, Анкона, Балонья. Ёсьць помнікі і магілы беларусаў у Францыі, Бэльгіі, Нідэрляндах і Нямеччыне. Ня кажучы ўжо пра Польшчу, Угоршчыну, Румынію, Чэхію, Славакію, дзе іх ёсьць тысячы. Нармальнае дзяржаўнае кіраўніцтва даўно б ужо паставіла б у гэтых краінах дзесяткі новых помнікаў нашым героям і ахвярам. Нармальная дыпламатыя даўно б ужо ініц’явала гэты працэс мэмарыялізацыі.

“Скептыкі” могуць запярэчыць, што, маўляў, “грошай у дзяржавы няма” і не да таго… “Скептыкам” можна запярэчыць, што лепш было б не пабудаваць адзін лядовы палац у якім-небудзь Бабруйску і грошы б знайшліся. Гэтыя ж могуць заявіць, што расейцы далі магчымасьць пакарыстацца сваімі замежнымі “дамамі”, пакуль у Беларусі няма сваіх дамоў культуры ў Эўропе. На гэта адказ просты. Замест непатрэбнай нікому мільярднай “Мінск-арэны” можна было б арганізаваць замежныя цэнтры беларускай культуры, і гэта б выйшла значна таньней. Нават ня маючы такіх цэнтраў сёньня, можна было б арганізаваць сапраўды нацыянальныя і дзяржаўныя мерапрыемствы. Арэндаваць невялікія пляцоўкі няхай сабе не ў сталіцах, а недзе ў правінцыйных гарадах эўрапейскіх краін, запрасіць туды беларускіх творцаў, правесьці выставы, канцэрты, сустрэчы. Дарэчы, камунальныя ўлады прадаставілі б бясплатна свае памяшканьні для такіх мерапрыемстваў і запрасілі б жыхароў сваёй правінцыі на цікавыя імпрэзы. Усё можна. Але для гэтага трэба мець жаданьне. Жаданьня ў чужых і раўнадушных людзей ня можа быць. У іх афіцыйная канцэпцыя такая і яны з радасьцю выконваюць яе: хадзіць авечкамі за маскоўскім пастухом ва ўсе месцы, дзе ён іх павядзе. Прычым пугі для іх ня трэба, дастаткова сьвістка. І гэтую варожую нам, мягка кажучы небеларускую публіку павінен утрымліваць на свае сродкі беларускі народ.

Яны паказалі сваю сапраўдную натуру і ў сьвята, і ў дыпламатычныя будні – поўны правал, ганьба, ізаляцыя краіны і змрочная савецкая правінцыйнасьць. Яны так выхаваны, іх так адбіралі. МЗС РБ з гонарам заяўляў ня раз, што “95% нашых дыпработнікаў –гэта прадстаўнікі маскоўскай дыпламатычнай школы”. Вось гэта сапраўды адчуваецца: лёкаі чужой дзяржавы.

Янка Базыль

11/5/2010 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Травень 2010
П А С Ч П С Н
« Кра   Чэр »
 12
3456789
10111213141516
17181920212223
24252627282930
31  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024