Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Успамінаюць Васіля Быкава

Расейскае інтэрнэт-выданьне Grani.ru ў апошнія дні праводзіць апытаньне ў творча, палітычна і сацыяльна значных асобаў Расеі пра іхныя любімыя творы на тэму вайны (у катэгорыях — проза, вершы, песьня і кінафільм). У першай катэгорыі вядомая нам Валерыя Навадворская адназначна заявіла: “Васіль Быкаў – “Сьцюжа”, “Пастка”, і наогул увесь Быкаў”. Ад гэтай асобы (вядомага антыімпэрскага палітыка і публіцыста) пачуць такое ня дзіва. Тым больш, што яна нарадзілася і вырасла ў нашых Баранавічах. Але многія іншыя з апытаных таксама называюць імя і творы нашага класіка як зьяву, якая ўразіла іх на ўсё жыцьцё і данесла ім праўду пра вайну. Адзін зь іх, аднак, згадаў Быкава ў кароткім пераліку “из русской литературы”. А другі тэарэтызаваў наконт “славянского ощущения и переживания войны”. Але на наш погляд, у дадзеным выпадку гэта малаважна. Гэта яшчэ раз даказвае, што творы Васіля Быкава – гэта ўнівэрсальнае, агульначалавечае мастацтва. Настолькі ўнівэрсальнае, што чалавек можа нават паблытаць літаратуры, бо бачыць у тэксьце нешта глыбака сваё і роднае. Вось такі Васіль Быкаў, сябра Сойму Беларускага Народнага Фронту.

Дарэчы, на другім месцы ў згадках – творчасьць Аляксандра Твардоўскага, смаленскага беларуса, класіка расейскай паэзіі ХХ стагоддзя. Хаця ён публічна ніколі не ідэнтыфікаваў сябе з беларускай традыцыяй, але духоўны падмурак ягонага мастацкага мысьленьня, безумоўна, наш — нацыянальны.

Трагедыя вайны, чалавек на вайне – гэтую тэму з непаўторнай глыбінёй і празрыстасьцю перадала менавіта беларуская душа. Гэта статыстычна прызнаюць асобы, якія часам нават далёкія ад прызнаньня непаўторнасьці і тоеснасьці нашага народу і нашай культуры. Менавіта за гэта, за мастацтва праўды ненавідзела і ненавідзіць Васіля Быкава антыбеларуская хунта і яе начальніцкі охлас. За гэта любяць і будуць чытаць заўсёды творы Быкава ў розных краінах сьвету.

Самае важнае, каб самы беларусы ведалі, чыталі кнігі Быкава, каб ганарыліся сваім вялікім пісьменьнікам і распавядалі людзям аб нашай культуры, мове і гісторыі. Каб кожны з нас быў правадніком і носьбітам беларускай праўды паводле прыкладу Васіля Быкава.

Валеры Буйвал

3/5/2010 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Травень 2010
П А С Ч П С Н
« Кра   Чэр »
 12
3456789
10111213141516
17181920212223
24252627282930
31  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024