Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Лукашэнка запусціў крымінал у Беларусь

19 сакавіка Радыё Свабода пусьціла ў эфір сюжэт пад выразным назовам “Лукашэнка разьлічвае ўсіх абгуляць у рулетку”. Слухаючы гэтую перадачу, нармальны чалавек адносіў ўражаньне, што пададзеная ў ёй інфармацыя ёсьць вынікам гераічных дзеяньняў нейкіх падпольшчыкаў ад журналістыкі. Што ўсё гэта падслухана і перададзена ў рэдакцыю з вялікай рызыкай для жыцьця і здароўя. Бо тое, што прагучала, магло гучаць толькі на таемных сходках нейкай крымінальшчыны, у лепшым выпадку – за зачыненымі дзьвярмі дома якога-небудзь клана Карлеонэ.

А не было ніякай таямніцы, ніякай рызыкі або гераізма. Усё банальна, усё з афіцыйных крыніцаў. Цытуем Свабоду: “На мінулым тыдні Аляксандр Лукашэнка і кіраўнікі ўраду выпрацоўвалі канцэпцыю гульнявога бізнэсу ў Беларусі. Пасьля таго, як дзейнасьць казіно і заляў гульнявых аўтаматаў у Расеі забаранілі, а ва Украіне наклалі на яе мараторый, чакаўся масавы прыток замежнага капіталу і гульцоў у гэтую сфэру ў Беларусі… Цяпер да паслугаў аматараў рулеткі і картаў – амаль чатыры дзесяткі казіно, паўтысячы заляў гульнявых аўтаматаў і букмэкэрскіх кантораў. Аднак, паскардзіўся Лукашэнка, рэальны прыбытак гэтых установаў застаецца па-за кампэтэнцыяй падатковых ворганаў. Таму ён перакананы: дзяржава павінна жорстка кантраляваць галіну, у якой круцяцца вялізныя грошы… Канцэпцыю гульнявога бізнэсу на пашыраным паседжаньні ў кіраўніка краіны прадстаўляў прэм’ер-міністар Сяргей Сідорскі. Ён прапанаваў аб’яднаць усё гульнявое абсталяваньне праз тэлекамунікацыйную сетку, якая будзе працаваць у рэжыме онлайн…”

Адным словам “эх, зажывем”! Суседнія краіны адмовіліся ад картаў і рулеткі, бо немагчыма стрымаць крыміналізацыю гэтага нячыстага бізнэсу. Нават Расея робіць спробы пазбавіцца ад гэтай сацыяльна небясьпечнай практыкі, якая можа перакуліць імпэрыю. А начальнікі мясцовай лабараторнай установы ўжо наладжваюць апаратуру, ужо надзяваюць халаты і пальчаткі. У якасьці поля для экспэрымэнту над жывымі людзьмі абрана перш за ўсё наша сталіца. Ужо на працягу гадоў расейская дзяржмафія і крымінальныя дзялкі цэлымі табунамі, цягнікамі і самалётамі высаджваюцца на нашай зямлі, каб пакуражыцца, прагуляць свае крывавыя капіталы. Беларусам адведзена роля абслугі гэтай чужынскай пачвары, якую люта ненавідзіць сам рускі народ. Беларусы павінны забаўляць, ахоўваць, улагоджваць расейскіх гангстэраў рознага гатунку. Беларускіх дзяўчат мабілізуюць у легіёны “жріц любві”. Менск ператвараецца ў сацыяльную клааку, дзе нармальнаму беларусу становіцца ўсё цяжэй. Такое бывала ў гісторыі народаў. Такое звычайна рабілі магутныя краіны з сваімі слабаразьвітымі суседзямі. Дастаткова ўспомніць Кубу, “выспу для забаваў багатых амэрыканцаў”.

І гэта толькі пачатак. Рэжым абнародваў пляны па зьнішчэньню цэлых кварталаў у цэнтры Менску. Насельніцтва з разбураных дамоў будзе выселена падалей ад сталіцы, у так званыя “гарады-спутнікі”. Там, дзе стагоддзямі жылі беларусы, акупанцкі рэжым мае намер пабудаваць хмарачосы-гатэлі, комплексы казіно і забаўляльных структураў. На ўсё гэта спатрэбіцца цэлая армія прастытутак, халуёў і рознага кшталту паслугачоў. Нашу сталіцу (а ў пэрспэктыве і ўсе буйнейшыя гарады) Лукашэнка плануе аддаць у распараджэньне чужых цынічных істотаў, які прайшлі па трупах ва ўласных краінах, перш за ўсё ў Расеі. Можа яны будуць больш гуманнымі ў дачыненьні да беларусаў? Мяркуем, што не. Беларускія сем’і, ня маючы працы, вымушаны будуць аддаваць гэтаму малоху сваіх дзяцей, паўнагадовых і непаўнагадовых. Разбураную эканоміку адносна ненадоўга заменіць сабой ачмурэньне пасярод азарта, але “кайф” працягнецца да краху маскоўскай імпэрыі (гэта не за гарамі). З падзеньнем крамлёўскага рэйха абваліцца і пабудаваная ў Менску крымінальная піраміда, гульцы разьбягуцца хто куды. Але беларускай цывілізацыі пры такой хадзе падзей будзе нанесены такі ўдар, катастрафічныя наступствы якога прыйдзецца ліквідаваць вельмі доўга. Магчыма на працягу некалькіх пакаленьняў. Таму што рускае ачмурэньне – гэта адна з найбольш цяжкіх формаў карозіі душы. Заўважым, маладой душы. Бо ў паганы вір маскоўскага “гуляй-поля” трапляюць перш за ўсё маладыя беларусы і беларускі.

Беларусы павінны салідарна абараніць сваю сталіцу, сваю зямлю ад маскоўскага гадзюшніка. Тады мы выратуем сваю будучыню і сваіх дзяцей.

Янка Базыль

20/3/2010 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Сакавік 2010
П А С Ч П С Н
« Люты   Кра »
1234567
891011121314
15161718192021
22232425262728
293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024