Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Кароткая памяць

11 сакавіка Летува адзначала 20-я ўгодкі аднаўленьня сваёй дзяржаўнай незалежнасьці. У Вільне і па ўсёй краіне адбыліся сьвяточныя мерапрыемствы: парады, канцэрты, канфэрэнцыі, рэлігійныя цырымоніі. Людзі ўшаноўвалі герояў, якія змагаліся за свабоду і незалежнасьць Летувы ва ўсе пэрыяды нацыянальнай барацьбы.

Беларускія патрыёты таксама прыгадвалі падзеі дваццацігадовай даўніны. Беларускі Народны Фронт “Адраджэньне” у сакавіку 1990 года вітаў мужны крок летувіскіх парлямантароў і народа суседней краіны, якая першай заявіла пра выйсьце з СССР і тым самым вызначыла шлях для ўсіх падсавецкіх народаў. З восені 1988-га года, ад самага пачатку магутнага ўздыму нацыянальных рухаў беларускія і летувіскія патрыёты, БНФ “Адраджэньне” і Саюдзіс дзейнічалі супольна, разам ішлі да вызваленьня ад расейскай акупацыі. У гісторыі тых гадоў ёсьць шмат яркіх старонак беларуска-летувіскай салідарнасьці. Калі акупацыйны рэжым спрабаваў сарваць правядзеньне Устаноўчага Зьезду БНФ “Адраджэньне” у Беларусі, летувісы запрасілі беларускіх патрыётаў у Вільню, дзе і адбыўся Зьезд у чэрвені 1989 года. У сакавіку 1990 года савецкая намэнклатура БССР па загаду з Масквы заявіла, што ў сувязі з дэклярацыяй аб незалежнасьці Летувы яна (намэнклятура БССР) будзе патрабаваць вярнуць ёй Вільню і Віленскі край. Апазыцыя БНФ “Адраджэньне” у Вярхоўным Савеце БССР дэзавуіравала гэтую намэнклятурную заяву і выступіла з падтрымкай дэклярацыі незалежнасьці Летувіскай Рэспублікі.

Сотні фронтаўцаў у 1988-91 гадах накіроўваліся ў Вільню, каб падтрымаць змаганьне Саюдзіса. Летувісы віталі калёны пад Бел-Чырвона-Белымі Сьцягамі, якія далучаліся да дэманстрацыяў і мітынгаў. Беларусы і Беларускі Сьцяг былі на барыкадах Вільні ў самыя цяжкія дні і ночы абароны незалежнасьці. Дэпутаты парляманцкай апазыцыі БНФ “Адраджэньне” Зянон Пазьняк, Юры Беленькі, Сяргей Папкоў і іншыя прыязджалі ў Вільню, каб сваёй прысутнасьцю і палітычнымі справамі аказаць падтрымку змагарнаму народу і Парляманту Летувы.

Прамінула дваццаць гадоў. Шмат што зьмянілася ў сьвеце. У Беларусі працягваецца змаганьне за свабоду і незалежнасьць ад унутранай, расейскай па сутнасьці акупацыі. Летува разьвіваецца ў сям’і цывілізаваных эўрапейскіх народаў. На сьвята незалежнасьці ў Вільню летувіскімі ўладамі былі афіцыйна запрошаны дзьве асобы з Беларусі: сп. Шушкевіч “ад апазыцыі” і тов. Буря ад прамаскоўскага рэжыму РБ. Ні адзін, ні другі ніяк ня вызначыліся ў падзеях сакавіка 1990 года. Мабыць у цяперашняга кіраўніцтва суседняй краіны ёсьць свая трактоўка тых гістарычных падзеяў. Але беларускія патрыёты памятаюць аб тых сьветлых старонках нашага сумеснага змаганьня за вызваленьне ад Імпэрыі. Беларусы жадаюць братняй Летуве дабрабыту і квітненьня.

Валеры Буйвал

14/3/2010 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Сакавік 2010
П А С Ч П С Н
« Люты   Кра »
1234567
891011121314
15161718192021
22232425262728
293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024