Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

26 красавіка. Чарнобыль немагчыма забыць

26 красавіка спаўняецца 21 год з дня Чарнобыльскай катастрофы. Беларускі народ вечна будзе захоўваць памяць аб гэтай страшнай бядзе. Людзі не забудуць, што чарнобыльскую бяду абрынула на нашу зямлю крамлёўская ўлада антычалавечага савецка-расейскага рэжыму.

У той час, калі ўлады эўрапейскіх краінаў інфармавалі свае народы пра ядзерную небясьпеку, арганізавалі ёдную прафілактыку ўсяго насельніцтва сваіх краінаў, камуністычны рэжым Крамля схаваў праўду і вывеў масы людзей на сьвяткаваньне “праздника всех трудящихся” 1-га траўня 1986 г. пад радыяцыйныя ападкі. Мала таго што яны хавалі праўду пра маштабы катастрофы, яны арганізавалі фактычна масавае забойства людзей, гарадоў і вёсак Магілёўскай і Гомельскай вобласьцяў. Па загаду Крамля ваенныя лётчыкі стратэгічнай авіяцыі атрада “Циклон” асыпалі сьмяротныя воблакі на беларускую зямлю. І сёньня Масква лічыць героямі гэтых лётчыкаў-забойцаў мірных беларусаў, беларускіх гарадоў і вёсак. Такую інфармацыю у мінулым годзе падала “Российская газета” (за 21.04.2006 г.) Цытата:

“28 апреля в штабе дальней авиации участникам ликвидации чернобыльской катастрофы вручат награды. Алексей Грушин в числе 17 офицеров ВВС удостоен православного Ордена князя Дмитрия Донского.” (Аляксей Грушын быў адным з камандзіраў экіпажу лётчыкаў-забойцаў атраду “Циклон”.)

На працягу гадоў пасьля катастрофы Масква і мясцовыя маскоўскія марыянэткі спрабавалі падмануць беларускае грамадзтва, выстаўляючы Чарнобыль як “нязначную аварыю на ЧАЭС”. Беларускі Народны Фронт “Адраджэньне” адкрыў беларускаму народу праўду пра чарнобыльскую бяду, арганізаваў гуманітарную дапамогу пацярпелым людзям, вымусіў улады прыняць захады па выратаваньні людзей.

Беларускі Народны Фронт арганізоўваў штогод Чарнобыльскія Шляхі – мэмарыяльныя мерапрыемствы памяці і смутку. Антыбеларускі рэжым ня здолеў хлусьнёй і рэпрэсіямі спыніць гэтае народнае рушаньне. Тады рэжым выкарыстаў падстаўных псэўдаапазыцыянэраў, якія спрабуюць давесьці да абсурду ідэю Чарнобыльскага шляху. Сёлета (як і на працягу апошніх гадоў) грантаўская псэўдаапазыцыя зьбіраецца павесьці людзей на бангалёрскае балота, на месца выгула сабак. Яны нават запрасілі “уважаемого презідента Лукашенко” на сваё “шэсьце”. Падстаўны “аргкамітэт” дзейнічае разам з рэжымам так жа сама, як яны дзейнічалі сёлета на Дзень Волі 25 Сакавіка, заводзячы калёны беларускай моладзі на ўскраіну сталіцы, пад міліцэйскія палкі, у тупік, дзе яны наладжвалі “день народного едінства” з антынародным рэжымам і расейскімі палітыкамі.

Сумленныя беларусы не павінны далучацца да гэтага блюзьнерскага “шэсьця” прарасейскай публікі. 26 красавіка беларусы будуць зьбірацца ў месцах пакутніцтва нашага народу: у Курапатах і іншых месцах, дзе пахаваны ахвяры антыбеларускага генацыду, што тварылі расейскія акупанты. Па ўсёй краіне пасьля працы беларусы пойдуць да сьвятых магілаў, каб памаліцца, запаліць сьвечкі – каб не згасала Памяць.

Кансэрватыўна-Хрысьціянская Партыя – БНФ
21 красавіка 2007 г.

22/4/2007 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Красавік 2007
П А С Ч П С Н
« Сак   Тра »
 1
2345678
9101112131415
16171819202122
23242526272829
30  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2019
Сувязь