Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Набліжайма сьветлы час вольнай Беларусі!

Дарагія землякі, паважаныя беларусы!

Віншую Вас зь вялікім нацыянальным сьвятам Днём Незалежнасьці! Мінула ўжо 89 гадоў з таго часу, калі была адноўлена незалежнасьць Беларусі, але значэньне і асэнсаваньне гэтай падзеі павялічваецца з кожным днём. Небясьпека над незалежнасьцю Бацькаўшчыны вяртае нас у пачатак.

Дзьве падзеі за апошнія сто гадоў ускалыхнулі нашу гісторыю – гэта Акт 25 сакавіка 1918 года і стварэньне БНР, а таксама 25 жніўня 1991 года – вяртаньне незалежнасьці Беларусі з-пад савецкай імпэрыі. Стварэньне незалежнай БНР у далёкім 1918-м – для нас прыклад і сьветач. Аднаўленьне незалежнасьці ў 1991-м – рэчаіснасьць, творцамі якой былі мы і ўсё нашае пакаленьне беларусаў, якія ўспрынялі незалежнасьць Беларусі з радасьцю і надзеяй.

Але надзея сама не ажыцьцяўляецца, за яе трэба змагацца і набліжаць яе. Шмат хто тады недаацаніў небясьпеку з боку Расеі і падступнасьць яе імпэрскай палітыкі. Разуменьне ў грамадзтве паступова прыходзіць толькі цяпер. Яшчэ ня позна, але страчана вельмі шмат. Перад намі і ўсім цяперашнім пакаленьнем стаіць задача ня толькі ліквідаваць прарасейскі рэжым і прамаскоўскую імпэрскую палітыку на Беларусі, але і аднавіць усё тое, што было разбурана і растаптана за гады прамаскоўскай дыктатуры. Дзеля гэтага патрэбнае павелічэньне і ўзмацненьне беларускай сілы. Наша сіла – гэта Беларуская ідэя і людзі, якія яе падтрымліваюць, здольныя за яе змагацца і дзеля яе працаваць. Мэханізм, які цэментуе нашу сілу – ёсьць Беларуская Салідарнасьць.

Сёлета непрыяцелі Беларусі заплянавалі новы сцэнар. Задумалі скампрамэтаваць, згадзіць нацыянальнае сьвята Дзень Незалежнасьці. Марыянэткі нават напісалі ліст, зьвярнуліся да Лукашэнкі з просьбай аб супрацоўніцтве. Маскоўская агентура зьбіралася, відаць, пажаць на гэтым свае плады, скарыстаць беларускі патрыятычны рух. У выніку рэжым увёў неаб’яўленае надзвычайнае становішча для беларусаў і накінуўся на беларускую моладзь. Вось таксама ілюстрацыя, як разыгрываецца маскоўскае палітыканства, а ў выніку церпяць толькі беларусы.

Але нядоўга так будзе працягвацца. Рэсурсы і Пуцінскага, і Лукашысцкага рэжыму малеюць, а беларуская сіла, нягледзячы на ўсе разбурэньні, расьце і будзе расьці, павялічвацца і мацнець. Наша праца і нашае змаганьне ня ёсьць і ня будуць дарэмнымі. Набліжайма сьветлы час вольнай Беларусі. Хай кожнае наша слова, кожная справа, як некалі, кладуцца на алтар моцы і незалежнасьці нашай дарагой Бацькаўшчыны.

Жыве Беларусь! Слава героям!

Зянон Пазьняк
Старшыня Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ
25 сакавіка 2007 г.

25/3/2007 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Сакавік 2007
П А С Ч П С Н
« Люты   Кра »
 1234
567891011
12131415161718
19202122232425
262728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024