Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Факты і падзеі (5 сакавіка 2007 г.)

5 студзеня чарговы крамлёўскі Мюнхаўзэн публічна ўсеўся на гарматнае ядро. Камандуючы дальняй авіяцыяй Расеі генэрал Ігорь Хворов (якое выразнае прозьвішча!) выканаў перад журналістамі ў Маскве вельмі папулярную апошнім часам пантаміму пад назовам “Маханьне кулаком у бок Захаду”.

Гэтым разам была і тэкстоўка пад літаратурным дэвізам “Остапа понесло…” Цытуем генэрала: “Элемэнты супрацьракетнай абароны, што знаходзяцца ў шахтах, зьяўляюцца вельмі слаба абароненымі аб’ектамі. Усе тыпы самалётаў нашай дальняй авіяцыі здольныя рашыць задачы па іх электроннаму падаўленьню і фізычнаму зьнішчэньню”. Вельмі выразна сфармулявана! Дык, калі ў вас “всё под контролем, товарішчі”, то чаго вы тады так надрываецеся ўжо другі месяц на тэму праекту амэрыканскага супрацьракетнага шчыта ў Чэхіі і Польшчы? Чаму вас бье ліхаманка? Чаму па вуліцах Цьверу валэндаюцца ракетныя калёны С-300? Чаму вы адбіраеце апошні грош у мільёнаў абяздоленых расейцаў, у дзяцей, якія паводле цьверскай народнай прымаўкі “слаще морковки ничего не кушали”? А калоціць вас (і вашых нямецкіх сябручкоў-кліентаў з Бундэстагу) ад рашучай палітыкі Злучаных Штатаў, кіраўніцтва якіх раней за іншых убачыла і адэкватна ацаніла ваш мілітарызм і шызоіднае аднаўленьне таго, чаго няма і ніколі ня будзе – вашай фэадальна-гэбоўскай імпэрыі “ад Брэста да Курылаў”.

У Туркмэністане “пачаліся рэформы”… Можа там адмянілі культ галоўнай службовай асобы дзяржавы? А можа падвысілі заробкі фэлахам? Не, новы прэзыдэнт краіны Бэрдымухамэдаў адразу ж узяўся за “основное”, за “главное”. Новая прэзыдэнцкая мятла адразу ж пачала з навядзеньня парадку ў нацыянальным школьніцтве. А менавіта загадала аднавіць у туркмэнскіх школах выкладаньне расейскай мовы. З гэтым будуць, напэўна, вялікія цяжкасьці. Бо з 1991 г. “велікій і могучій” за непатрэбнасьцю быў выдалены са школьніцтва незалежнай краіны. У выніку сфармавалася цэлае пакаленьне народу, якое не далучана да імпэрскай мовы, не разумее яе і не гаворыць аніслова. Пры чым, як трагедыю гэта разглядалі да апошняга часу не ў Ашгабадзе, а чамусьці ў Маскве. Ці не таму здаровы, энэргічны і зусім не стары прэзыдэнт Ніязаў так тэрмінова захварэў і памёр?

У Кіеве 5 сакавіка пачалася навукова-практычная канфэрэнцыя на тэму шляхоў стварэньня адзінай Украінскай Аўтакефальнай Праваслаўнай Царквы. Старшынюе на канфэрэнцыі брат прэзыдэнта краіны Пятро Юшчанка. Там сабраліся прадстаўнікі нацыянальнага сьвятарства, інтэлігенцыі, вернікаў, дзяржадміністрацыі. Не абышлося без інцыдэнтаў. Без запрашэньня на канфэрэнцыю паспрабавалі прабіцца прадстаўнікі маскоўскай РПЦ (такзванай “украінской церкві московского патріархата”). Іх у залю не пусьцілі, патлумачыўшы, што ўкраінскія прадстаўнікі абмяркоўваюць украінскую справу. І неўкраінскіх гасьцей яны не запрашалі. Як вядома РПЦ учэпіста трымаецца за Украіну. Яшчэ з савецкіх часоў большая частка праваслаўнага сьвятарства ішла ў РПЦ з украінскіх семьяў, моцных духоўнай традыцыяй і маральлю. Адтуль жа ў казну РПЦ паступала вялікая частка грашовага прыбытку ад украінскіх вернікаў. Так было, але цяпер так ня будзе. Цяпер да гэтых аргумантаў дадаўся яшчэ адзін: Масква баіцца згубіць апошні канал сваіх імпэрскіх уплываў, калі рассыпецца бастыён РПЦ ва Украіне. Яшчэ ў 1993 г. РПЦ абвяшчала анафэму на Патрыярха нацыянальнай Украінскай Праваслаўнай Царквы Філярэта. Ды ня вышла. Народ падтрымаў свайго пастыра і сваю Царкву. Украіна ідзе да канчатковага духоўнага вызваленьня ад лубянскага цемрашальства.

На дарозе ў глыбокай алжырскай правінцыі 5 сакавіка выбухнуў фугас каля аўтобуса з будаўнікамі. У выніку загінулі два алжырцы, адзін расеец, паранены некалькі ўкраінцаў. Ужо на наступны дзень лубянцы апэратыўна выкарысталі інцыдэнт дзеля савёй “канстытуцыйнай справы”. На нейкім “ісламісцкім” інтэрнэтсайце была зьмешчана адозва. Нікому не вядомыя фантамасы заявілі, што гэта яны ў імя Аль-Каэды падарвалі аўтобус у Алжыры, “каб адпомсьціць расейцам за чачэнскіх ісламскіх байцоў”. Урад Алжыра абверг паведамленьні на гэтую тэму, якія растыражавалі расейскія СМІ. Алжырскае кіраўніцтва заявіла, што замах зьвязаны з набліжэньнем парляманцкіх выбараў у краіне і ня мае дачыненьня да Чачэніі. Правакацыя ФСБ правалілася.

Янка Базыль

10/3/2007 › Актуаліі


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Сакавік 2007
П А С Ч П С Н
« Люты   Кра »
 1234
567891011
12131415161718
19202122232425
262728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2022
Сувязь