Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Свабода Беларусі. Зварот да Эўракамісіі Эўрапейскага Зьвязу

Да: Эўракамісіі Эўрапейскага Зьвязу, Спадара Гаўера Саляны
Ад: Сойму Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ

СВАБОДА БЕЛАРУСІ

Беларусь і Беларускі Народ вось ужо дзесяць гадоў церпяць ад антыбеларускага недэмакратычнага рэжыму А. Лукашэнкі, устаноўленага на Беларусі пры дапамозе вялікадзяржаўнай палітыкі Масквы.

Але кагэбісцкім антынародным рэжымам Пуціна ў Расеі і Лукашэнкі ў Беларусі надыходзіць канец. Высьпявае рэвалюцыя, дзе галоўнай сілай стане наш народ. Беларусь пойдзе сваім свабодным эўрапейскім шляхам, створыць новае стабільнае становішча ва Усходней Эўропе, заснаванае на прынцыпах ўзаемапавагі і справядлівасьці ў грамадзтве і паміж народамі-суседзямі.

Мы маем надзею, што прадстаўнікі Эўрапейскага Зьвязу ня стануць падтрымліваць імкненьні рэжыму Пуціна ў якой бы там ні было форме ўплываць на палітычныя падзеі на Беларусі. Бо “уплыў” улады Пуціна можа быць толькі шкодным для разьвіцьця свабоды і дэмакратыі ў Беларусі. Спадзяемся, што кіраўніцтва Эўрапейскага Зьвязу не дапусьціць, каб рэжым Пуціна меў магчымасьць выкарыстаць (напрамую ці ўскосна) пагадненьні паміж Эўрапейскім Зьвязам і Расеяй у якасьці “дазволу” на рэалізацыю інкарпарацыі Беларусі праз антыканстытуцыйную так званую “саюзную дзяржаву” альбо праз псэўдарэвалюцыю ці праз іншы мэханізм.

Мы не прызнаем і не пацерпім ніякіх формаў умяшальніцтва пуцінскай Расеі ў нашыя беларускія рэвалюцыйныя справы.

Мы спадзяемся, што добрыя намеры супрацоўніцтва з разумнай Эўропай, якія высьпяваюць у беларускім грамадзтве, атрымаюць свой працяг і станоўчае ўвасабленьне потым, пасьля ліквідацыі прарасейскага дыктатарскага рэжыму Лукашэнкі на Беларусі.

13 – 18 красавіка 2005 г.

Зянон Пазьняк
Старшыня Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ

Юры Беленькі
Намесьнік старшыні Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ

Сяргей Папкоў
Намесьнік старшыні Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ,

22/4/2005 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Красавік 2005
П А С Ч П С Н
« Сак   Тра »
 123
45678910
11121314151617
18192021222324
252627282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024